ევროკავშირი მოლდოვას თავდაცვისუნარიანობის გაძლიერებისთვის მნიშვნელოვან ფინანსურ დახმარებას უწევს. გადაწყვეტილების თანახმად, ბრიუსელი მოლდოვის საჰაერო თავდაცვის სისტემების მოდერნიზაციისა და უსაფრთხოების გაუმჯობესების მიზნით 120 მილიონ ევროს გამოყოფს.
აღნიშნული დახმარება მიზნად ისახავს მოლდოვის მიერ თავისი საჰაერო სივრცის დაცვის შესაძლებლობების გაზრდას და ქვეყნის წინაშე არსებული უსაფრთხოების გამოწვევების საპასუხოდ რესურსების მობილიზებას. ეს ნაბიჯი ევროკავშირისა და მოლდოვას შორის პარტნიორობის გაღრმავების ნაწილია, რაც რეგიონში სტაბილურობის შენარჩუნებას ემსახურება.
მოლდოვის ხელისუფლებაში აცხადებენ, რომ ეს მხარდაჭერა გადამწყვეტია ქვეყნის სუვერენიტეტის დაცვისა და NATO-ს სტანდარტებთან თავდაცვითი სექტორის დაახლოებისთვის.
ეს ინიციატივა კიდევ ერთხელ ადასტურებს ევროკავშირის მტკიცე პოზიციას მოლდოვის დაცვისა და ევროპული კურსის მხარდაჭერის პროცესში, განსაკუთრებით რეგიონში შექმნილი რთული გეოპოლიტიკური ვითარების ფონზე.
