აშშ-ის პრეზიდენტმა, დონალდ ტრამპმა ხელი მოაწერა აღმასრულებელ ბრძანებას, რომელიც ტრანსგენდერ ქალებს ქალთა სპორტში მონაწილეობას უკრძალავს.
ეს მეოთხე აღმასრულებელი ბრძანებაა ტრანსგენდერი ადამიანების წინააღმდეგ, რომელსაც პრეზიდენტმა 20 იანვრიდან, თანამდებობის დაკავების შემდეგ ხელი მოაწერა.
„ამ აღმასრულებელი ბრძანებით ომი ქალთა სპორტზე დასრულებულია. ამ მომენტიდან ქალთა სპორტი იქნება მხოლოდ ქალებისთვის“, – განაცხადა ტრამპმა.
შეგახსენებთ, რამდენიმე დღის წინ, აშშ-ის პრეზიდენტმა, დონალდ ტრამპმა გამოსცა ახალი აღმასრულებელი განკარგულება, რომელიც ტრანსგენდერი პირებისთვის სამხედრო სამსახურს ზღუდავს.