ისრაელის პრემიერ-მინისტრი ბენიამინ ნეთანიაჰუ აცხადებს, რომ ღაზაში ჰუმანიტარული პაუზის დასრულების შემდეგ ისრაელი განაახლებს სამხედრო კამპანიას „ჰამასის“ გასანადგურებლად.
მან კვლავ აღნიშნა, რომ კამპანიის მიზანია ღაზას მმართველი ტერორისტული ჯგუფის „ლიკვიდაცია“, 7 ოქტომბრის თავდასხმისას გატაცებული ადამიანების სახლში დაბრუნება და უზრუნველყოფა, რომ ანკლავი „არასოდეს გახდეს საფრთხე ისრაელისთვის“.
მძევლების მეექვსე ჯგუფის მოსალოდნელი გათავისუფლების წინ, ნეთანიაჰუ მიესალმება მძევლების დაბრუნებას: „ბოლო დღეებში მოვისმინე კითხვა: დაუბრუნდება თუ არა ისრაელი ბრძოლას ჩვენი მძევლების დაბრუნების ეტაპის დასრულების შემდეგ? ჩემი პასუხი არის ცალსახა – დიახ. ჩვენ არ შეგვიძლია, არ დავუბრუნდეთ ბრძოლას ბოლომდე“.
