ისრაელის პრემიერ-მინისტრი აცხადებს, რომ ახალი შეტევა ღაზაში იქნება ინტენსიური სამხედრო ოპერაცია, რომლის მიზანია „ჰამასის“ დამარცხება.
ბენიამინ ნეთანიაჰუს თქმით, ისრაელის თავდაცვის ძალები არ განახორციელებენ რეიდებს და შემდეგ არ დატოვებენ ტერიტორიას, „არამედ პირიქით“.
„მივიღეთ გადაწყვეტილება „ჰამასის“ გასანადგურებლად ღაზაში მასშტაბური ოპერაციის ჩატარების შესახებ“, – განაცხადა ნეთანიაჰუმ.
მისივე განმარტებით, გეგმა მოიცავს ჰუმანიტარული დახმარების გაგზავნას, თუმცა მიწოდება ჯერჯერობით არ დაიწყება.
ერთ-ერთი ისრაელელი ოფიციალური პირის განცხადებით, ახლად დამტკიცებული გეგმა ღაზის მოსახლეობას სამხრეთისკენ გადაადგილებისკენ მოუწოდებს და არ დაუშვებს ჰუმანიტარული დახმარების „ჰამასის“ ხელში მოხვედრას.
თარგმანი: პირველი არხი
