სამტრედიის ყველაზე ხანდაზმული მკვიდრი, ლიდა ჩაჩუა, 100 წლის გახდა – მერის მილოცვა და საჩუქრები
სამტრედიის უძველესი თაობის ერთადერთმა წარმომადგენელმა, ლიდა ჩაჩუამ, 100 წლის იუბილე აღნიშნა. საუკუნოვანმა იუბილარმა განსაკუთრებული დღე ოჯახის წევრებთან და ახლობლებთან ერთად გაატარა.
ლიდა ჩაჩუას იუბილე სამტრედიის მერმა, დავით ბახტაძემ, ადგილობრივი თვითმმართველობის წარმომადგენლებთან ერთად პირადად მიულოცა. მერმა მას დღეგრძელობა და ჯანმრთელობა უსურვა.
„ეს მართლაც განსაკუთრებული დღეა. ქალბატონი ლიდა არის ჩვენი მუნიციპალიტეტის ყველაზე ხანდაზმული მცხოვრები, რომელიც ერთი საუკუნის ცხოვრების გამოცდილებას და სიბრძნეს ატარებს. ვუსურვებ მას ჯანმრთელობას და ბედნიერ წლებს,“ – აღნიშნა დავით ბახტაძემ.
იუბილარს მუნიციპალიტეტისგან საჩუქრები და ფულადი დახმარება გადაეცა. ღონისძიებამ თბილ და ემოციურ გარემოში ჩაიარა, სადაც ოჯახის წევრებმა და ადგილობრივებმა ლიდა ჩაჩუას განსაკუთრებული პატივისცემა და სიყვარული კიდევ ერთხელ დაუფიქსირეს.
