2024 წლის შემოდგომის ერთა სერიების ფარგლებში, საქართველოს რაგბის ეროვნული ნაკრები გენუაში იტალიას დაუპირისპირდება.
2022 წელს ბათუმში მოპოვებული ისტორიული გამარჯვების შემდეგ, ეს ამ გუნდების მეექვსე დაპირისპირება იქნება.
"ბორჯღალოსნების" მთავარმა მწვრთნელმა რიჩარდ კოკერილმა პირველი თამაშის შემდეგ, მხოლოდ ერთი ცვლილება განახორციელა - მარჯვენა ბურჯის პოზიციაზე, სანდრო ქუნთელიას ნაცვლად, თამაშს ირაკლი აფციაური დაიწყებს. მატჩი ხვალ ჩვენი დროით 17:40 წუთზე დაიწყება.
