სურსათის უვნებლობის დეპარტამენტის უფროსის მოადგილის, ანა გემაზაშვილის განცხადებით, აქტიურად მიმდინარეობს ბაზრიდან გამოთხოვა იმპორტირებული რძის იმ მცირე პარტიის, რომელშიც გამოვლინდა დარღვევა.
მისივე თქმით, დარღვევის შესახებ მყისიერად გავრცელდა ინფორმაცია, რათა მომხმარებლის ინტერესები დაეცვათ.
„სააგენტოს მიერ გამოვლენილი დარღვევის შესახებ მყისიერად გავრცელდა ინფორმაცია სწორედ იმიტომ, რომ დაგვეცვა მომხმარებლის ინტერესები და ჯანმრთელობა. მინდა, დავაწყნარო ჩვენი მომხმარებელი, რომ დაუყოვნებლივ დაევალა ბიზნესოპერატორს და ამ ეტაპზეც აქტიურად მიმდინარეობს ბაზრიდან გამოთხოვა იმპორტირებული რძის იმ მცირე პარტიის, რომელშიც გამოვლინდა დარღვევა“, – განაცხადა ანა გემაზაშვილმა.
