„ნინო ქათამაძის კომენტარი გამჭვირვალობის კანონის პროექტის მიმართ, სულ ცოტა, უხერხულია. მას არც წაუკითხავს ევროპულ გამოცდილებაზე შექმნილი ქართული სამართლებრივი დოკუმენტი და ამიტომ მისი ნააზრევი სრულიად აცდენილია შინაარსს. მას, როგორც ჩანს, მიაწოდეს მზა ნარატივი, თუ რა უნდა ეთქვა და მან ის უშეცდომოდ გაიმეორა - ამის შესახებ "ხალხის ძალის“ წევრი თამთა მეგრელიშვილი სოციალურ ქსელში წერს.
მეგრელიშვილის თქმით, ნინო ქათამაძეს არც წაუკითხავს ევროპულ გამოცდილებაზე შექმნილი ქართული სამართლებრივი დოკუმენტი და ამიტომ მისი ნააზრევი სრულიად აცდენილია შინაარსს.
"მინაწერი: გამჭვირვალობის შესახებ კანონის პროექტი არ ეხება ფიზიკურ პირებს, არ ეხება არც გრანტის მიმღებ სტუდენტს, არც ემიგრანტის ფულად გზავნილს საქართველოში, არც ფერმერს და სხვა. ნუ ავრცელებთ ტყუილს და სულ ცოტა, უხერხულ მდგომარეობაში ნუ აგდებთ საზოგადოების სხვადასხვა წარმომადგენლებს. ძალიან რთულად მისაღებია ფაქტი, რომ ამ ხალხს საკუთარი პროფესიის მიღმა ზოგადი აზროვნების კულტურა და გააზრების მინიმალური სტანდარტიც არ აქვს“, - წერს თამთა მეგრელიშვილი "ფეისბუკში".
ცნობისთვის, 9 აპრილს "კი ევროპას! არა რუსულ კანონს!" - თბილისში მსვლელობა დაიწყო
მოგვიანებით კი აქციის მონაწილეებმა დააანონსეს, რომ პარლამენტის იურიდიულ საკითხთა კომიტეტი „უცხოური გავლენის გამჭვირვალობის შესახებ“ კანონპროექტს 15 აპრილის სხდომაზე განიხილავს.
