პარლამენტმა „მეწარმეთა შესახებ“ კანონში ცვლილება მესამე მოსმენით, 79 ხმით მიიღო.
დაჩქარებული წესით მოთხოვნილი კანონპროექტი ეკონომიკური პოლიტიკის კომიტეტის თავმჯდომარემ შოთა ბერეკაშვილმა წარადგინა.
ცვლილების თანახმად, იმ შემთხვევაში, თუ ერთობლივ საწარმოში სახელმწიფოს, აფხაზეთის ან აჭარის ავტონომიური რესპუბლიკის წილობრივი ოდენობა 50% ან მასზე ნაკლებია, სამართლებრივი საფუძველი დადგინდება, რომ აღნიშნულ საწარმოს სამეთვალყურეო საბჭოში სახელმწიფოს წარმომადგენლად საჯარო მოსამსახურე გამწესდეს.
