"ლელოს" ლიდერი მამუკა ხაზარაძე პროკურატურაშია დაბარებული. ამის შესახებ "ლელოს" გენერალური მდივანი ირაკლი კუპრაძე სოციალურ ქსელში წერს.

"ივანიშვილი აგრძელებს მისი მთავარი ოპონენტების დევნას!

13:00 საათზე მამუკა ხაზარაძე დაბარებულია სასამართლოში, გამოკითხვის ოქმის გასაცნობად და ხელმოსაწერად.

14:00 საათზე ივანიშვილის პროკურატურაში ბრალის წარსადგენად. ორივეგან ვიქნებით! არცერთი ნაბიჯი უკან!"- წერს ირაკლი კუპრაძე "ფეისბუკში".

შეგახსენებთ, დროებით საგამოძიებო კომისიაზე გამოუცხადებლობის გამო, მამუკა ხაზარაძის მიმართ გამოძიება დაიწყო.

მამუკა ხაზარაძემ  "ფეისბუკში" დაწერა -  დღეს არალეგიტიმური პარლამენტში მისვლას და ამ ცირკში მონაწილეობას, რა თქმა უნდა არ ვაპირებ!

ასევე დაწერა:  არაფერი თავის გასამართლებელი არ გვაქვს, როგორც ნებისმიერ ადამიანს, ჩვენც დაგვიშვია შეცდომები, მაგრამ ეს არ ყოფილა კანონის დარღვევა, არ ყოფილა არასდროს სხვისი ქონების მითვისება