გთხოვთ აიყვანოთ ჩემი საქმე კონტროლზე და იქნებ რამენაირად ამაცდინოთ უბედურებას! მომიხსენით პოლიტიკური დევნა - ყოფილი დეპუტატი "პატრიოტთა ალიანსიდან" ემზარ კვიციანი სახელმწიფო უშიშროების ხელმძღვანელს, გრიგოლ ლილუაშვილს საჯაროდ მიმართავს, რომლის ტექსტს "აიპრესი" უცველელად აქვეყნებს:
ღია წერილი საქართველოს უშიშროების ხელმძღვანელს ბატონ გრიგოლ ლილუაშვილს.
ბატონო გრიგოლ ტელეფონით ვერ დაგიკავშირდით, მესიჯითაც მოგმართეთ, მაგრამ ვერ მოგაწვდინეთ ხმა,ამიტომ იძულებული ვარ აქედან ჩაგაყენოთ საქმის კურსში.
ყველასთვის ცნობილია რატომაც მდევნიდა შევარდნაძე-სააკაშვილის პერიოდში საქართველოს უშიშროება.მათ თავიანთი დავალება შეასრულეს და კოდორის ხეობა მოწინააღმდეგეს გადასცეს!
კოდორის ღალატზე ხშირად საუბრობთ თქვენ, პრემიერიც და პარლამენტარებიც.
ანუ დადგენილი გაქვთ სიმართლე რომ კოდორლები ვიცავდით დალის ხეობას და სააკაშვილმა და მისმა უშიშროებამ გაგვიყიდა ტერიტორიები და ეს თქვენ ყველას მიგაჩნიათ ღალატად!
თუ ჩვენი მოწინააღმდეგე მოღალატე იყო მაშინ ჩვენ რა დავაშავეთ, ვინც სამშობლოს ვიცავდით?
სამართლიანობა არ აღდგა ჩვენს მიმართ გასაგებია, მაგრამ კიდევ მდევნიან და ვარ დისკრიმინაციის და პოლიტიკური დევნის ქვეშ დღემდე, ამას აკეთებენ თქვენი თანამშრომლები კერძოდ საგარეჯოს რაიონშიც!
ვინმე ჯანჯღავა სახელი ზუსტად არ მაქვს დადგენილი მგონი მალხაზი, რომელიც მფარველობს თაღლითს, ვინმე კონსტანტინე ღონღელიანს,რომელმაც რუსი ოფიცრის დავალებით და გივი თარგამაძე გიგა ბოკერიას დახმარებით 2002 წლის 13 აპრილსკოდორში დესანტის გადმოსხმის პარალელურად იმავე საათში უჯარმის სახლის გადახურვის დროს დაესხნენ ჩემს ხელოსნებს თავს!
გავიდა 11 წელი ბატონო გრიგოლ, ჩემთვის და ჩემი ოჯახისთვის არაფერი შეცვლილა ამ კუთხით,ყველა სასამართლო დავა გაწელილია დროში ზოგი 5 წელი ზოგი 11 წელი, საკონსტიტუციო სასამართლომ ხომ საერთოდ სათათბიროში უკვე 3 წელია!ყველა მიმართულებით ყველა უშიშროების სამსახურს ადებს ხელს თქვენამდეც და დღესაც, ოღონდ ჩუმად არ გაგვიგონო და მთხოვენ თქვენ სამსახურთან მოგვარებას!
როგორ მოვაგვარო იქნებ მასწავლოთ გზები, ვიცი რომ კორუფციას ებრძვით და ნარკო ბიზნესს! ვინც კი ადრეც და ეხლაც ამ ბრალდებებით გასამნართლებული და განაჩენ გამოტანილია ყველა მე დამიპირისპირეს! მაგალთისთვის კოტე ღონღელიანი რომელიც თაღლითობისთვის და კორუფციისთვის ციხიდან ახალი გამოსულია და ეხლაც იგივე დავალებებით მომიგზავნეს!
ბატონო გრიგოლ გთხოვთ აიყვანოთ ჩემი საქმე კონტროლზე და იქნებ რამენაირად ამაცდინოთ უბედურებას!მომიხსენით პოლიტიკური დევნა რას მერჩის ქართული სახელმწიფო რა დავაშავე და თუ დავაშავე გამასამართლეთ და გამიშვით ციხეში!!!
თუ დღეს ნაჯახით არ დამდევს სახელმწიფო ამისთვის მადლობა და მშვიდობისთვისაც ,მაგრამ უსამართლობაში ცხოვრებას ,მერწმუნეთ გელიოტინი ჯობია!!! მაპატიეთ ამ ფორმის კომუნიკაციისთვის, მაგრამ სხვა გზა ნამდვილად ვერ მოვიძიე,ბევრ საერთო მეგობარსა, ნაცნობსაც ვთხოვე გადმოეცათ თქვენთვის, მაგრამ უშედეგოდ.
პატივცემით ომის ვეტერანი ემზარ კვიციანი.
