პარტია "გირჩის" ლიდერის, ალექსანდრე რაქვიაშვილის განცხადებით, კანონის გამკაცრება ნარკოპოლიტიკის რეფორმის გატარებას არ ნიშნავს, გარდა ამისა, როგორც რაქვიაშვილი აღნიშნავს, რეალურად არავინ დაფიქრებულა იმ ადამიანებზე, ვინც ნარკოტიკულ საშუალებებს მოიხმარს და ამის ნაცვლად კონკრეტული ნივთიერებებს ებრძვიან.
"სინამდვილეში, პრობლემა არის ის, რომ ჩვენ მართლა არ დავფიქრებულვართ ნარკოპოლიტიკაზე და რეფორმა არ ჩაგვიტარებია, გამკაცრება რეფორმა არ არის. ჩვენი ნარკოპოლიტიკის პრობლემა არის ის, რომ ჩვენ ადამიანებზე და მათ ჯანმრთელობაზე არ ვფიქრობთ, არამედ კონკრეტული ნივთიერებების ბრუნვაზე. ფაქტობრივად, ებრძვის ნივთიერებებს, ნაცვლად იმისა, რომ იფიქრო ჯანმრთელობაზე", - განაცხადა ალექსანდრე რაქვიაშვილმა.
