ბოლო დღეებში განადგურდა სამი ისკანდერის სარაკეტო სისტემა, ჩამოგდებულია Су-35, - ამის შესახებ უკრაინის პრეზიდენტმა, ვოლოდიმირ ზელენსკიმ ვიდეომიმართვაში განაცხადა.
"დღეს უკრაინის თავდაცვის მინისტრმა უმეროვმა და შეიარაღებული ძალების მთავარსარდალმა სირსკიმ მომაწოდეს ცნობები ფრონტზე ჩვენი ბიჭების მოქმედებების შესახებ. ბევრი რამისთვის უნდა ვიყოთ მადლობლები.
ამ კვირაში ჩვენმა მებრძოლებმა წარმატებით გაანადგურეს რუსული პოზიციები, განსაკუთრებით ის ადგილები, საიდანაც ხდებოდა იერიშების მიტანა უკრაინაზე, ჩვენს თემებსა და ხალხზე.
ბოლო დღეებში განადგურდა სამი ისკანდერის სარაკეტო სისტემა. ეს იყო მკვლელების განადგურება. ასევე ჩამოგდებულია რუსეთის Су-35 ტიპის სამხედრო თვითმფრინავი და დაზიანებულია მათი ვერტმფრენები. ახალი იერიშები მიიტანეს რუსეთის სამხედრო ლოჯისტიკასა და ავიაბაზებზე. ეს აძლიერებს ჩვენს თავდაცვას, რუსეთისთვის შექმნილი ყოველი გართულება ჩვენთვის მნიშვნელოვანია", - განაცხადა ზელენსკიმ.
