უკრაინის პრეზიდენტმა ვოლოდიმირ ზელენსკიმ აშშ-ის თავდაცვის ეროვნულ უნივერსიტეტში სიტყვით გამოსვლისას მისი ქვეყნის შემდგომი დახმარების გაჭიანურებით მოსალოდნელ საფრთხეებზე ისაუბრა.
"კონგრესში გადაუწყვეტელი საკითხები შთააგონებს მხოლოდ პუტინსა და მის ავადმყოფ გარემოცვას, რადგან როცა შეფერხებებს და სკანდალებს ხედავენ, ფიქრობენ, რომ ოცნება შესაძლოა, რეალობად იქცეს. ისეთებს, როგორიც პუტინია, თავისუფლების დამარცხების იმედიც კი არ უნდა ჰქონდეთ. რუსეთს იმაზე გაცილებით მეტი სურს, ვიდრე უკრაინის მიწა და რესურსებია და უკრაინა მხოლოდ პლაცდარმად სჭირდება. პუტინი უნდა დამარცხდეს და აშშ-ს შეუძლია, ჰქონდეს უკრაინის იმედი ისევე, როგორც უკრაინას აქვს ამერიკის მხარდაჭერის იმედი", – განაცხადა ზელენსკიმ.
