უნგრული პრესა იუწყება, რომ მთავრობის ახალი დადგენილების გამო ასზე მეტი უკრაინელი ლტოლვილი დასახლება კოჩის ქუჩებში აღმოჩნდა
მთავრობის მიერ მიღებული გადაწყვეტილებით, 21 აგვისტოდან სახელმწიფო სუბსიდიით ბინებში ცხოვრების უფლება მხოლოდ იმ უკრაინელებს აქვთ, რომლებიც საომარი მოქმედებებით უშუალოდ დაზარალებული ადმინისტრაციული რეგიონებში ცხოვრობდნენ. დასახლება კოჩში ქუჩა 120 უკრაინელი ქალი და ბავშვი აღმოჩნდა. ზოგიერთი პატარა უნგრეთში დაიბადა, თუმცა არსებული ბიუროკრატიული ლაბირინთების გამო მათ უკრაინული დოკუმენტები არ გააჩნიათ.
მთავრობის გადაწყვეტილებას უნგრეთის პრემიერის აპარატის უფროსი გერგეი გულიასი იცავს. დღეს, მინისტრთა კაბინეტში შეხვედრის დასრულების შემდეგ მან თქვა, უნგრეთს იზოლირებულად არ უმოქმედია და მსგავსი შეზღუდვები თავშესაფრის მაძიებლებისთვის დაწესებული აქვთ ჩეხეთის რესპუბლიკას, პოლონეთსა და რუმინეთს. მისი თქმით, ომის დაწყებიდან უნგრეთი ყოველწლიურად 10 მილიარდ ფორინტს (76 მილიონ ლარს - „აიპრესი") ხარჯავს შრომისუნარიანი ადამიანების საცხოვრებელში.
უნგრეთის სახელმწიფოს ფულით 4 ათასი უმუშევარი ადამიანი ცხოვრობდა, - განაცხადა პრემიერ-მინისტრის აპარატის უფროსმა. მისი თქმით, გამოსახლებული უკრაინელი ქალებისა და ბავშვების დახმარების საკითხს განიხილავენ იმ ორგანიზაციის წარმომადგენლებთან ერთად, რომელმაც გუშინ დევნილებს ღამის გასათევი ადგილი გამონახა.
უნგრეთის მთავრობის მიერ მიღებული გადაწყვეტილების შესახებ მიმოხილვისას ჩეხური პრესა წერს, რომ ეს ღონისძიება, უნგრული მედიის ცნობით, ყველაზე მეტად შეეხებათ ბოშებს დასავლეთ უკრაინიდან და ხაზგასმით აღნიშნავს, რომ ბუდაპეშტმა ცოტა ხნის წინ გაამარტივა ქვეყანაში შესვლის პირობები რუსებისა და ბელორუსებისთვის.
