უკრაინული მედიის ინფორმაციით, სასამართლომ ქვეყნის გენერალურ პროკურატურას დაავალა, დაიწყოს გამოძიება მმართველი პარტიის, "ხალხის მსახურის" ფრაქციის თავმჯდომარის, დავით არახამიას წინააღმდეგ.
გავრცელებული ცნობებით, აღნიშნული გადაწყვეტილება სასამართლომ წარდგენილი სარჩელისა და თანდართული მასალების განხილვის საფუძველზე მიიღო. საგამოძიებო უწყებას ევალება, კანონით დადგენილ ვადებში შეიყვანოს შესაბამისი ცნობები სასამართლომდელ გამოძიებათა ერთიან რეესტრში და დაიწყოს კანონით გათვალისწინებული პროცედურები.
ამ ეტაპზე ოფიციალურად არ კონკრეტდება, რა სავარაუდო სამართალდარღვევის ფაქტზე ავალდებულებს სასამართლო პროკურატურას გამოძიების დაწყებას.
საკითხთან დაკავშირებით ჯერჯერობით ოფიციალური განცხადება არ გაუკეთებიათ არც გენერალურ პროკურატურას და არც თავად დავით არახამიას წარმომადგენლებს.
