რუს ოკუპანტებს მნიშვნელოვანი დანაკარგები აქვთ უკრაინის წინააღმდეგ ომში. ამის შესახებ ნათქვამია უკრაინის შეიარაღებული ძალების გენერალური შტაბის დილის რეზიუმეში.
გენერალური შტაბის თანახმად, "ვაგნერის" 300-მდე დაქირავებული მებრძოლი გადაიყვანეს ქალაქის მე-15 მულტიდისციპლინურ ჰოსპიტალში ლუგანსკის რეგიონში, იუბილეინში.
"ვინაიდან მათი უმრავლესობა ისეთი დაავადებების მატარებელია, როგორიცაა აივ/შიდსი, სიფილისი, ტუბერკულოზი და პნევმონია, ექიმები უარს ამბობენ მათ სამედიცინო დახმარებაზე", - ნათქვამია ანგარიშში.
უკრაინის ზოგიერთ ოკუპირებულ ტერიტორიაზე საავადმყოფოები სავსეა დაჭრილი დამპყრობლებით და სამედიცინო პერსონალს რუსი ექიმები ანაცვლებენ, იტყობინება გენერალური შტაბი.
23 იანვარს გენერალურმა შტაბმა განაცხადა, რომ დაახლოებით 150 დაჭრილი დამპყრობელი ცოტა ხნის წინ გადაიყვანეს ზაპოროჟიეს რაიონის ქალაქ დნიპროუდნის საავადმყოფოში. ამავდროულად, საავადმყოფოს პერსონალის უმეტესობამ უარი თქვა დამპყრობლებთან თანამშრომლობაზე, ამიტომ ექიმები რუსეთის ფედერაციიდან გაიგზავნა.
უკრაინელმა სამხედროებმა ასევე განაცხადეს, რომ ხერსონის ოლქის დროებით ოკუპირებულ ტერიტორიაზე დაჭრილ რუსთა რაოდენობა მნიშვნელოვნად გაიზარდა.
