რუსეთმა კიევზე დრონებით შეტევა კვლავ განახორციელა. რუსეთის საოკუპაციო ძალებმა კიევზე დრონებით შეტევა 30 ოქტომბერს გამთენიისას დაიწყეს.
კიევის მერის ვიტალი კლიჩკოს ინფორმაციით, მომხდარის შედეგად 9 პირი, მათ შორის ერთი ბავშვი დაშავდა.
უკრაინის საგანგებო სიტუაციების სამსახურის ინფორმაციით, კიევის სოლომენსკის რაიონში დრონებით შეტევის შედეგად ხანძარი გაჩნდა 9-სართულიანი სახლის ორ სართულზე და 6-სართულიან ადმინისტრაციულ შენობაში. დილის მონაცემებით, ორივე შენობაში ხანძარი ლიკვიდირებულია.
