რეკორდი საფრანგეთის აუქციონების ისტორიაში - მონეს ნახატი პარიზში 50 მილიონ ევროდ გაიყიდა

ეს,საფრანგეთში, აუქციონზე ოდესმე გაყიდული ყველაზე ძვირადღირებული ხელოვნების ნიმუში გახდა.  

ისტორიული გაყიდვის მთავარი დეტალები:

 პირველი გამოჩენა საზოგადოების წინაშე: დიდი ზომის ნახატი (1.60 მ / 1.80 მ) ფართო საზოგადოებას პირველად წარედგინა. აქამდე ხელოვნების მოყვარულები მას მხოლოდ შავ-თეთრი ფოტოსურათით იცნობდნენ.

 უნიკალური ისტორია: 

ტილო პარიზში, შლუმბერგერების ოჯახის კერძო სახლში ინახებოდა. იგი ცნობილმა კოლექციონერმა, ჟანა შლუმბერგერმა (1889-1983) უშუალოდ მხატვრის ოჯახისგან შეიძინა.

 პროგნოზს გადაჭარბებული ფასი: 

აუქციონამდე ტილო 22-დან 30 მილიონ ევრომდე იყო შეფასებული, რაც თავისთავად რეკორდული საწყისი შეფასება გახლდათ საფრანგეთის სააუქციონო ბაზარზე, თუმცა საბოლოო ფასმა მოლოდინს საგრძნობლად გადააჭარბა.