ნიუ-იორკში მომხდარი სისხლიანი ინციდენტის შედეგად ერთი ადამიანი დაიღუპა, ხოლო თავდამსხმელი პოლიციამ ცხელ კვალზე დააკავა.
სამართალდამცავი უწყებების პირველადი ინფორმაციით, ქალმა, რომელსაც თან ცივი იარაღი ჰქონდა, ქუჩაში სრულიად უმიზეზოდ შეუტია გამვლელებს. თავდასხმის შედეგად მიღებული მძიმე დაზიანებების გამო, ერთ-ერთი დაზარალებული ადგილზე გარდაიცვალა.
ადგილზე მობილიზებული იყო პოლიციისა და სასწრაფო დახმარების ეკიპაჟები. სამართალდამცველებმა ტერიტორია დროებით გადაკეტეს და საგამოძიებო მოქმედებები დაიწყეს. ოფიციალური პირები აზუსტებენ მომხდარის მოტივს, თუმცა წინასწარი მონაცემებით, თავდამსხმელი და მსხვერპლი ერთმანეთს არ იცნობდნენ.
გამოძიება სისხლის სამართლის რამდენიმე მუხლით მიმდინარეობს. ქალაქის მერიასა და პოლიციის დეპარტამენტში აცხადებენ, რომ საზოგადოებრივი უსაფრთხოების უზრუნველყოფის მიზნით, უსაფრთხოების ზომები მკაცრდება.
