ჩრდილოატლანტიკურმა ხელშეკრულების ორგანიზაციამ (NATO) 24 აპრილს 2024 წლის ყოველწლიური ანგარიში გამოაქვეყნა. 2023 წლის ანგარიშისგან განსხვავებით, ახლად გამოქვეყნებულ დოკუმენტში აღარ არის ნახსენები NATO-ს მხარდაჭერა ალიანსში საქართველოსა და უკრაინის გაწევრიანების მიმართ. ინფორმაცია ამის შესახებ თავდაპირველად "რადიო თავისუფლების" ევროპის ბიუროს რედაქტორმა რიკარდ იოზვიაკმა X-ზე გაავრცელა.
NATO-ს 2023 წლის ანგარიშში მოცემული იყო შემდეგი წინადადებები:
"უკრაინის მომავალი NATO-შია, ალიანსი უკრაინას მხარს დაუჭერს გზაზე სამომავლო გაწევრებისკენ".
"ალიანსის წევრები აგრძელებენ NATO-ში საქართველოს საბოლოოდ გაწევრიანების მხარდაჭერას".
NATO today published its annual report for 2024.
— Rikard Jozwiak (@RikardJozwiak) April 25, 2025
What is missing compared to 2023 report?
"🇺🇦’s future is in NATO and that the Alliance will support Ukraine on its path toward future membership."
"Allies remain committed to supporting the eventual NATO membership of 🇬🇪"
მიუხედავად იმისა, რომ 2024 წლის ანგარიშში როგორც საქართველო, ისე უკრაინა რამდენჯერმე, სხვადასხვა კონტექსტშია ნახსენები, მათ შორის, ალიანსთან თანამშრომლობის მხრივ, საუბარი NATO-ში ორი ქვეყნის გაწევრიანების შესახებ, მსგავსი მკაფიო ფორმულირებებით, აღარ არის.
