„ეროვნული ფრონტის" დამფუძნებლის და მარინ ლე პენის 96 წლის ასაკის მამის, ჟან მარი ლე პენის, გარდაცვალებამ ფრანგების ერთი ნაწილის სიხარული გამოიწვია.
ულტრამემარჯვენე იდეებით ცნობილი ჟან მარი ლე პენის გარდაცვალებით გახარებულ ფრანგთა გარკვეულმა ნაწილმა ამ სიხარულის საჯარო დემონსტრირებაზე არ თქვა უარი და საფრანგეთის ზოგიერთ ქალაქში, მათ შორის, პარიზში, ზეიმი გამართა
პარიზში, რესპუბლიკის მოედანზე, მემარცხენე „ახალი ანტიკაპიტალისტური პარტიის" მიერ ჟან მარი ლე პენის გარდაცვალების გამო საგანგებოდ მოწვეული შეხვედრის ამსახველ ვიდეოებსა და ფოტოებში ჩანან მხიარულ ხასიათზე მყოფი ადამიანები (სულ, დაახლოებით ათასი), რომლებიც სადღეგრძელოებს ამბობენ ისეთ წარწერებიანი ტრანსპარანტების ფონზე, როგორიცაა „რა მშვენიერი დღეა", „ბინძური რასისტი მკვდარია"...
ფრანგული პრესის მიერ გავრცელებული ინფორმაციის თანახმად, 200-300 კაციანი საზეიმო შეკრებები გაიმართა სტრასბურგში, ლიონში, მარსელში, ტულუზაში, ბორდოში, ლილში, ხოლო სოციალურ ქსელებით არაერთმა ფრანგმა გამოხატა აღფრთოვანება „ეროვნული ფრონტის"დამფუძნებლის გარდაცვალების გამო. საფრანგეთის პრეზიდენტობის კანდიდატად სამჯერ კენჭნაყარი ფილიპ პუტუ წერს:
„სურვილები საოცრებაა. გვისრულდება! 2025 წელი არც თუ ისე ცუდად იწყება ამ კარგი ამბით".
C’est dingue, les vœux ça marche ! L’année 2025 ne commence pas trop mal avec cette bonne nouvelle de la mort de Le Pen, un raciste, un colonialiste, un facho, un tortionnaire, un assassin, un homophobe, etc… mais ça change rien au combat antifasciste unitaire à mener d’urgence.
— Philippe Poutou (@PhilippePoutou) January 7, 2025
ადამიანურ ღირსებასთან შორს მდგარ საზეიმო სცენებს საფრანგეთის შინაგან საქმეთა მინისტრი X-ზე შეეხმიანა:
„არაფერი, აბსოლუტურად არაფერი არ ამართლებს გვამზე ცეკვას. ადამიანის, თუნდაც პოლიტიკური ოპონენტის სიკვდილმა მხოლოდ თავშეკავების და ღირსეული ქცევისკენ უნდა გიბიძგოს. სიხარულის ეს სცენები უბრალოდ სამარცხვინოა".
Rien, absolument rien ne justifie qu’on danse sur un cadavre. La mort d’un homme, fût-il un adversaire politique, ne devrait inspirer que de la retenue et de la dignité. Ces scènes de liesse sont tout simplement honteuses. https://t.co/NPPhfCNils
— Bruno Retailleau (@BrunoRetailleau) January 7, 2025
ჟან მარი ლე პენის გარდაცვალებასთან სიხარულის გამოხატვის გაემიჯნა და ამავე დროს ამ ფენომენის ახსნა სცადა ფრანგულმა 20minutes-მა, რომელმაც დაწერა, რომ გაერთიანებული სამეფოში YouGov-ის მიერ 2021 წელს ჩატარებული გამოკითხვის შედეგების თანახმად, ბრიტანელების ნახევარზე მეტი დასაშვებად მიიჩნევს აპლოდისმენტებს ადამიანის გარდაცვალებასთან დაკავშირებით.
აღსანიშნავია, რომ თავად ან მარი ლე პენი, 2019 წელს, თავის პოლიტიკური ოპონენტის, ჟაკ შირაკის გარდაცვალების შემდეგ წერდა:
„მკვდარს, მტერსაც კი, პატივისცემის უფლება აქვს".
აგრეთვე აღსანიშნავია, რომ ჟაკ შირაკის ახლობლებმა, მას შემდეგ, რაც შეიტყვეს მარინ ლე პენი პარიზის სენ-სულპისის ტაძარში ჟაკ შირაკის პანაშვიდზე მისვლის სურვილის შესახებ, განაცხადეს, რომ ეს მისი უფლება იყო, თუმცა მათ მისი იქ ხილვის სურვილი არ ჰქონდათ.
