გერმანიამ ლიტვაში, მეორე მსოფლიო ომის შემდეგ პირველად დაიწყო უცხო ქვეყანაში მუდმივი სამხედრო ბრიგადის განლაგება, რომლის მიზანიც უკრაინაში მიმდინარე რუსეთის სრულმასშტაბიანი ომის ფონზე NATO-ს აღმოსავლეთ ფრონტის გაძლიერებაა.
"ჩვენ გვაქვს ცხადი ამოცანა: უზრუნველვყოთ NATO-ს აღმოსავლეთ ფრონტზე ჩვენი ლიეტუველი მოკავშირეების უსაფრთხოებისა და თავისუფლების დაცვა. ამით, ჩვენ ასევე ვიცავთ NATO-ს ტერიტორიას, მათ შორის, გერმანიასაც" – ამბობს ბრიგადის გენერალი, ქრისტოფ უბერი.
სამხედრო დანაყოფი სრულად მოქმედი 2027 წლისთვის იქნება და მისი ბაზირება ვილნიუსთან ახლოს, ახალ სამხედრო კომპლექსზე მოხდება. ამ ეტაპზე, ლიეტუვაში 150 გერმანელი ჯარისკაცია განლაგებული, ხოლო წლის ბოლომდე მათი რაოდენობა 500-მდე გაიზრდება. საბოლოოდ, ბრიგადაში 5 000 ჯარისკაცის განლაგებაა გათვალისწინებული.
