85 წლის ასაკში ფრანგი რეჟისორი, სცენარისტი და მწერალი ბერტრან ბლიე გარდაიცვალა. სიკვდილის ზუსტი მიზეზი უცნობია.
ბლიე ცნობილი ფრანგი მსახიობის, ბერნარ ბლიეს ოჯახში, 1939 წელს დაიბადა.
პირველი ფილმი ბლიემ 1963 წელს გადაიღო. საერთაშორისო წარმატება და პირველი პრესტიჟული ჯილდოები რეჟისორმა 1970-იან წლებში მიიღო.
მის ყველაზე ცნობილი ფილმებია Les Valseuses, Préparez vos mouchoirs, Buffet froid, Notre Histoire.
1978 წელს ბლიემ ფილმისთვის Préparez vos mouchoirs, საუკეთესო უცხოენოვანი სურათის კატეგორიაში ოსკარი მიიღო. გარდა ამისა, რეჟისორს სხვადასხვა დროს მიღებული აქვს კანის საერთაშორისო კინოფესტივალის გრანპრი, ფრანგული კინოაკადემიის ჯილდო სეზარი, მოსკოვის საერთაშორისო კინოფესტივალის ჯილდო.
