პოლიციის განცხადებით, დასავლეთ ფინეთში, ორი ვერტმფრენის შეჯახების შედეგად ხუთი ადამიანი დაიღუპა.
პოლიციის განცხადებით, შეჯახება მოხდა ქალაქ კაუტუასთან ახლოს. ნამსხვრევები ოჰიკულკუტიეს გზიდან დაახლოებით 700 მეტრში იპოვეს.
ფინეთის პოლიციამ დაადასტურა, რომ ერთ-ერთ საჰაერო ხომალდში სამი ადამიანი იმყოფებოდა, მეორეში კი - ორი.
სამოქალაქო ვერტმფრენები ესტონეთის დედაქალაქ ტალინიდან აფრინდნენ და კოკემაკიში, პიიკაიარვის აეროპორტისკენ მიემართებოდნენ.
მედიის ცნობით, მათ ესტონელი ბიზნესმენები გადაჰყავდათ.
პოლიციის განცხადებით, ფინეთის და ესტონეთის ხელისუფლება მჭიდროდ თანამშრომლობენ.
შეჯახებაში მონაწილე ორი ვერტმფრენი ევრას აეროპორტის მახლობლად, ტყიან ზონაში, ერთმანეთისგან დაახლოებით 100 მეტრის დაშორებით იპოვეს.
ჯერჯერობით უცნობია, რა გახდა შეჯახების მიზეზი.
