ამის შესახებ შეერთებული შტატების პრეზიდენტი დონალდ ტრამპი თავის სოციალურ ქსელში წერს.
გუშინ ჩვენ გვქონდა ძალიან კარგი და პროდუქტიული საუბრები რუსეთის პრეზიდენტ ვლადიმერ პუტინთან და არის ძალიან დიდი შანსი, რომ ეს საშინელი, სისხლიანი ომი საბოლოოდ დასრულდეს - მაგრამ ამ მომენტში ათასობით უკრაინელი ჯარისკაცი მთლიანად გარშემორტყმულია რუსეთის ჯარების მიერ და იმყოფება ძალიან ცუდ, მოწყვლად მდგომარეობაში. მე დაჟინებით ვთხოვე პრეზიდენტ პუტინს, დაინდოს მათი მათი სიცოცხლე. ეს იქნებოდა საშინელი ხოცვა-ჟლეტა, არნახული მეორე მსოფლიო ომის შემდეგ. ღმერთმა დალოცოს ისინი ყველა!!!"- წერს დონალდ ტრამპი truthsocial-ზე.
შეგახსენებთ, რომ ვლადიმირ პუტინის გუშინდელი განცხადების თანახმად,კურსკის ოლქში „სიტუაცია მთლიანად ჩვენს კონტროლს ექვემდებარება, ჯგუფი, რომელიც შემოიჭრა ჩვენს ტერიტორიაზე, მთლიანად იზოლირებულია, უკრაინის კონტროლი მათ მართვაზე დაკარგულია“ და თუ ადრე, რამდენიმე კვირის განმავლობაში უკრაინის შეიარაღებული ძალები ცდილობდნენ მცირე ჯგუფებად გასვლას კურსკის ოლქიდან, ახლა ეს შეუძლებელია.
„თუ უახლოეს დღეებში მოხდება ფიზიკური ბლოკადა, მაშინ საერთოდ ვერავინ დატოვებს. იქნება მხოლოდ ორი ვარიანტი: დანებება ან სიკვდილი“, - ხაზგასმით აღნიშნა პუტინმა.
