მარ-ა-ლაგოში მედიასთან ვენესუელაზე თავდასხმასთან დაკავშირებით შეხვედრის დასასრულს ტრამპმა ქვეყნის ნავთობის მოპოვება-გაყიდვის საკითხზე ისაუბრა.
„ვენესუელაში ამერიკული ნავთობკომპანიები შევლენ. ისინი იქ ფულს დახარჯავენ. შემდეგ კი ჩვენ დავიბრუნებთ ნავთობს, რომელიც, გულწრფელად რომ ვთქვათ, დიდი ხნის წინ უნდა დაბრუნებულიყო“, - თქვა ტრამპმა და დაამატა:
„მიწიდან უზარმაზარი თანხები ამოღებულია. ჩვენ ამ ყველაფრისთვის ანაზღაურებას მივიღებთ“.
ტრამპის თქმით, „მომდევნო წლის განმავლობაში შესანიშნავი რამ მოხდება და ვენესუელის ხალხი ყველაზე მეტად ისარგებლებს ამით“.
„რაც შეეხება სხვა ქვეყნებს, რომლებსაც ნავთობი სურთ, ჩვენ ნავთობის ბიზნესით ვართ დაკავებულები. ჩვენ მას გავყიდით. არ ვაპირებთ ვთქვათ, რომ არ გავყიდით. სხვა სიტყვებით რომ ვთქვათ, ნავთობს გავყიდით“ და „ალბათ, გაცილებით დიდი რაოდენობით, რადგან ისინი ვერ აწარმოებდნენ დიდ რაოდენობას ძალიან ცუდი ინფრასტრუქტურის გამო“, - თქვა ტრამპმა და დასძინა:
„ჩვენ სხვა ქვეყნებს დიდი რაოდენობით ნავთობს მივყიდით“, ბევრი ახლაც ყიდულობს, მაგრამ მე ვიტყოდი, რომ მომავალში კიდევ უფრო მეტს იყიდი.
