რუსეთი უკვე პასუხობს და გააგრძელებს პასუხის გაცემას კურსკის ოლქზე უკრაინის თავდასხმაზე, - ამის შესახებ რუსეთის პრეზიდენტის პრესსპიკერმა, დიმიტრი პესკოვმა განაცხადა.
”პასუხის გაცემა, ფაქტობრივად, უკვე ხდება, რატომ ფიქრობთ, რომ ეს არის რაღაც ერთჯერადი მოვლენა? თქვენ ხედავთ ჩვენი შეიარაღებული ძალების გადამწყვეტ მოქმედებებს, უდავოა, რომ ისინი გაგრძელდება, - აღნიშნა პესკოვმა.
შეგახსენებთ, უკრაინის შეიარაღებული ძალები რუსეთის კურსკის ოლქში ოპერაციას 6 აგვისტოდან ახორციელებს. შეიარაღებული ძალების მთავარსარდალმა, ალექსანდრ სირსკიმ რამდენიმე დღის წინ განაცხადა, რომ უკრაინის შეიარაღებული ძალები 1294 კვადრატულ კილომეტრს, მათ შორის 100 დასახლებულ პუნქტს, აკონტროლებს და ტყვედ რუსეთის 594 სამხედრო მოსამსახურეა აყვანილი.
