უკრაინა გერმანიისგან საბრძოლო მასალისთვის რეკორდულ €11.5 მილიარდს მიიღებს, - ამის შესახებ უკრაინის თავდაცვის მინისტრი, დენის შმიგალი სოციალურ ქსელში წერს.
"უკრაინა გერმანიისგან არტილერიის, დრონების, სამხედრო ტექნიკისა და სხვა აღჭურვილობისთვის რეკორდულ 11.5 მილიარდ ევროს მიიღებს.
გერმანიის პარლამენტის ქვედა პალატამ 2026 წლისთვის ფედერალური ბიუჯეტი დაამტკიცა. ეს დახმარება კრიტიკულად მნიშვნელოვანია ჩვენი თავდაცვითი შესაძლებლობების შესანარჩუნებლად.
მადლიერი ვარ გერმანიის პარლამენტის, მთავრობის, განსაკუთრებით ჩემი კოლეგა ბორის პისტორიუსის და მთელი გერმანელი ხალხის მათი ურყევი მხარდაჭერისთვის", - წერს შმიგალი.
