ეკონომიკური პარტნიორობის შეთანხმებაში, რომელიც უკრაინამ და ამერიკის შეერთებულმა შტატებმა უნდა გააფორმონ, მხარეები ვაშინგტონის მიერ კიევისთვის ამ დოკუმენტის ხელმოწერამდე გაწეულ დახმარებას არ გაითვალისწინებენ. ამის შესახებ უკრაინის პრემიერ-მინისტრმა დენის შმიგალმა ვაშინგტონში აშშ-ის ფინანსთა მინისტრ სკოტ ბესენტთან შეხვედრის შემდეგ განაცხადა.
დენის შმიგალის ინფორმაციით, დოკუმენტზე იურისტები მუშაობენ და "კარგი პროგრესი" აქვთ.
მისი თქმით, მთავარია, რომ მკაფიოდ განსაზღვრეს "წითელი ხაზები" - შეთანხმება უნდა შეესაბამებოდეს ევროკავშირისადმი უკრაინის ვალდებულებებს, არ უნდა ეწინააღმდეგებოდეს უკრაინის კონსტიტუციას და კანონმდებლობას და აუცილებლად პარლამენტის მიერ უნდა იყოს რატიფიცირებული.
