ევროკავშირი ყოველთვის უზრუნველყოფს, რომ მისი წევრი ქვეყნების ინტერესები დაცული იყოს, – ამის შესახებ ევროკავშირის საბჭოს პრეზიდენტი ანტონიუ კოშტა სოციალურ ქსელში წერს.

მისივე თქმით, ევროკავშირი კიდევ ერთხელ ადასტურებს საერთაშორისო სამართლისადმი ერთგულებას.

„ახლახან ვესაუბრე პრემიერ-მინისტრ პედრო სანჩესს, რათა ევროკავშირის სრული სოლიდარობა გამომეხატა ესპანეთისთვის. ევროკავშირი ყოველთვის უზრუნველყოფს, რომ მისი წევრი ქვეყნების ინტერესები დაცული იყოს. კიდევ ერთხელ ვადასტურებთ ჩვენს მტკიცე ერთგულებას საერთაშორისო სამართლის პრინციპებისადმი და წესებზე დაფუძნებულ წესრიგზე მთელ მსოფლიოში“, – წერს ანტონიუ კოშტა.

ცნობისთვის, აშშ-ის პრეზიდენტმა, დონალდ ტრამპმა განაცხადა, რომ შეერთებული შტატები ესპანეთთან ყველანაირ ვაჭრობას შეწყვეტს. საპასუხოდ, ესპანეთის პრემიერ-მინისტრმა, პედრო სანჩესმა აღნიშნა, რომ ტრამპის ადმინისტრაციას სავაჭრო ურთიერთობების გადახედვა თუ სურს, ეს უნდა გააკეთოს საერთაშორისო სამართლის, ევროკავშირისა და აშშ-ის ორმხრივი შეთანხმებების პატივისცემით.