დროებითი ცეცხლის შეწყვეტა არავითარ შემთხვევაში არ ნიშნავს კონფლიქტის გაყინვას, - ამის შესახებ უკრაინის საგარეო საქმეთა მინისტრმა, ანდრეი სიბიგამ საუდის არაბეთში აშშ-ს და უკრაინის დელეგაციებს შორის შეხვედრის შემდეგ განაცხადა.
"ერთობლივ განცხადებაში საუბარია დროებით ცეცხლის შეწყვეტაზე, რომელიც შემოიფარგლება 30-დღიანი ვადით და განხორციელდება მხოლოდ რუსეთის მხრიდან საპასუხო თანხმობის შემთხვევაში.
ამერიკული მხარე ამჟამად აპირებს რუსეთთან საუბარს იმის გასარკვევად, მზად არიან თუ არა ისინი ომის დასასრულებლად.
რატომ არის ასეთი დროებითი ცეცხლის შეწყვეტა მნიშვნელოვანი? იმიტომ, რომ ეს არავითარ შემთხვევაში არ ნიშნავს კონფლიქტის გაყინვას.
ეს ის ნაბიჯია, რომელიც აჩვენებს, ვინ არის რეალურად დაინტერესებული მშვიდობით", - განაცხადა სიბიგამ.
