შეერთებულ შტატებში, ერთ-ერთი ალკოჰოლური სასმელების მაღაზიის ტუალეტში, მთვრალი ენოტი უგონო მდგომარეობაში იპოვეს. ალკოჰოლური ზემოქმედების ქვეშ მყოფი მღრღნელი, რომელიც მაღაზიაში შეიპარა, ცხოველთა თავშესაფარში გადაიყვანეს, სანამ „უსაფრთხოდ გაათავისუფლებდნენ ველურ ბუნებაში“.
პარასკევს გვიან ღამით, ვირჯინიის შტატის ქალაქ აშლენდში მდებარე სასურსათო მაღაზიაში პატარა, ოთხფეხა ქურდი შეიჭრა. მაღაზიის თანამშრომელი, ალბათ, საკმაოდ გაკვირვებული იყო, როდესაც აღმოაჩინა, რომ ალკოჰოლური სასმელების მაღაზიაში ძარცვა მოხდა. ქურდმა ობიექტს გარკვეული ზიანი მიაყენა: იატაკზე მიმოფანტული იყო შოტლანდიური ვისკისა და ვისკის გატეხილი ბოთლები, ხოლო ჭერის ფილა ჩამოვარდნილი იყო.
ქურდი პატარა ენოტი აღმოჩნდა. ის უგონო მდგომარეობაში იპოვეს დაწესებულების ტუალეტში და გადაიყვანეს ვირჯინიის შტატის ქალაქ ჰანოვერში მდებარე ცხოველთა თავშესაფარში. „პირადად მე, ენოტები მომწონს... ისინი სასაცილო პატარა არსებები არიან. ის ჭერის ფილაში ჩავარდა და გააფთრდა, გზად ყველაფერს სვამდა“, - განუცხადა სამანტა მარტინმა Associated Press-ს.
