ფრანგული სპორტული ჟურნალი „ეკიპი“ წერს, რომ გიორგი მიქაუტაძის „ვილიარეალში“ ტრანსფერს წინ აღარაფერი უდგას.
„ლიონის“ ხელმძღვანელობა პარასკევს მონაკოში ესპანელ კოლეგებს შეხვდა და იმ საღამოსვე მიაღწია საბოლოო შეთანხმებას; ქართველი თავდამსხმელი დაახლოებით 35 მილიონ ევროდ გაიყიდება, ბონუსების ჩათვლით. „ლიონი“ გიორგი მიქაუტაძის „ვილიარეალიდან“ სხვა კლუბში გაყიდვის შემთხვევაში ნამეტი ფასიდან 10%-ს მიიღებს.
ხუთშაბათს L'Équipe-ის ვებსაიტზე გამოქვეყნდა განცხადება, რომ „ლიონის“ ხელმძღვანელობა პარასკევს მონაკოში, ევროპის თასის წილისყრის დროს, „ვილიარეალთან“ შეხვედრას გეგმავდა, რათა განეხილათ გიორგი მიქაუტაძის ტრანსფერი, რომლის გაყიდვაც „ლიონს“ ჰაერივით სჭირდებოდა, რადგან მალიკ ფოფანამ მყიდველი ვერ იპოვა. მოლაპარაკებები ნაყოფიერი იყო: ერთდღიანი მოლაპარაკებების შემდეგ, მხარეებმა იმ საღამოს დაახლოებით 35 მილიონი ევროს ღირებულების ტრანსფერზე, ბონუსების ჩათვლით, შეთანხმებას მიაღწიეს. „ლიონი“ დაუყოვნებლივ 30 მილიონ ევროზე ოდნავ მეტს მიიღებს და ასევე მომავალში პოტენციური მოგების 10%-ს შეინარჩუნებს.
„ვილიარეალმა“, რომელიც ჩემპიონთა ლიგაზე „მანჩესტერ სიტისა“ და „იუვენტუსთან“ ერთად იასპარეზებს, გიორგი მიქაუტაძეს უფრო მაღალი ხელფასი შესთავაზა, ვიდრე იგი „ლიონში“ იღებდა. მოსალოდნელია, რომ ამ შაბათ-კვირას ქართველი ფეხბურთელი ესპანეთში სამედიცინო შემოწმების გასავლელად გაემგზავრება.
