თელავში, ცენტრალურ მოედანზე, ვალუტის გადამცვლელ პუნქტს თავს ცეცხლსასროლი იარაღით შეიარაღებული პირი დაესხა.
თავდამსხმელმა მისთვის თანხის გადაცემა მოითხოვა. თუმცა, ფულის გატაცება ვერ მოახერხა, რადგან ის სამართალდამცველებმა დააკავეს.
პროკურატურა დაკავებულ პირს ბრალს ყაჩაღობის მუხლით უახლოეს საათებში წაუყენებს. ცნობისათვის, ბოლო პერიოდში, თელავში ვალუტის გადამცვლელი პუნქტის დაყაჩაღების მცდელობის ეს უკვე მეორე შემთხვევაა.
