ჩემთვის თავიდანვე გაუგებარი იყო, რა მიზანი უნდა ჰქონოდა ამ „რვიანს“, რომლის შექმნის მთავარი არსი რამენაირად ლაკას ერთდღიანი შიმშილობის „გაპრავება“ იყო, – ამის შესახებ „ნაციონალური მოძრაობის“ წევრი ანა წითლიძე სოციალურ ქსელში წერს.
მისი თქმით, „იქ, სადაც სპიკერი ჩერგოლეიშვილი გახდა, დასასრულიც ადვილად პროგნოზირებადი იყო“.
„ბოდიში, მე პირდაპირ ვიტყვი. ჩემთვის, თავიდანვე გაუგებარი იყო, სხვა რა მიზანი უნდა ჰქონოდა ამ „რვიანს“, რომლის შექმნის მთავარი არსი, რამენაირად ლაკას ერთდღიანი შიმშილობის „გაპრავება“ იყო. იქ, სადაც სპიკერი ჩერგოლეიშვილი გახდა (სხვათა შორის, ლაკას დამსახურებით), დასასრულიც ადვილად პროგნოზირებადი იყო. (ნუ, მთლად ამ ფორმით არ ველოდი). ჩერგოსთან არანაირი კითხვა არ მაქვს და ლაკამ რაო?“, – წერს წითლიძე.
მანამდე, „ნაციონალური მოძრაობის“ თავმჯდომარემ, თინა ბოკუჩავამ რვა ოპოზიციურ პარტიას მიმართა, მიიღონ გადაწყვეტილება თამარ ჩერგოლეიშვილთან დაკავშირებით.
