მათ სისტემებზე კიბერშეტევების თავიდან ასაცილებლად, ნატოს ქვეყნებმა უნდა მოერიდონ ჩინეთის აღჭურვილობის გამოყენებას, რათა არ განმეორდეს დასავლეთის რუსული ენერგორესურსებზე დამოკიდებულების ისტორია. ამის შესახებ ალიანსის გენერალურმა მდივანმა იენს სტოლტენბერგმა კიბერთავდაცვაზე ნატოს კონფერენციაზე განაცხადა.
"ჩვენ უკეთ უნდა შევიკავოთ და, საჭიროების შემთხვევაში, დავიცვათ კიბერშეტევებისგან. ეს თავდასხმები ხშირად რთული გამოსავლენია და კიდევ უფრო რთული ასახსნელი. მაგრამ მტკიცებულებების ნაკლებობა არ არის მისი არარსებობის დამადასტურებელი. ვილნიუსში, ნატოს სამიტზე მოკავშირეები შეთანხმდნენ ჩვენი კიბერთავდაცვის გაძლიერების ახალ კონცეფციაზე. პოლიტიკურად ეს ნიშნავს პოტენციური მოწინააღმდეგეებისთვის ძლიერი სიგნალის გაგზავნას, რომ თუ ისინი თავს დაგვესხმებიან, ამას ქმედებები მოჰყვება," - განაცხადა მან.
ნატოს გენერალურმა მდივანმა აღნიშნა, რომ მსოფლიოში ერთ-ერთი უდიდესი კიბერ წვრთნების და კიბერ კოალიციის წყალობით ალიანსის გამძლეობა იზრდება.
"ჩვენ გვჭირდება საიმედო და უსაფრთხო საკომუნიკაციო სისტემები, მათ შორის 5G ქსელები. ეს ნიშნავს, რომ ჩვენ თავიდან უნდა ავიცილოთ ავტორიტარული რეჟიმების მიერ მოწოდებული აღჭურვილობის გამოყენება მომავალში ჩვენი ციფრული ხერხემლის შესაქმნელად. ჩვენ ვნახეთ ენერგომომარაგების რუსეთზე დამოკიდებულების შედეგები. ჩვენ არ უნდა გავიმეოროთ ეს შეცდომა, რომ ჩინეთმა უზრუნველყოს ტექნოლოგიები ჩვენი კრიტიკული ქსელებისთვის," - თქვა სტოლტენბერგმა.
მისი აზრით, ალიანსმა ასევე უნდა იმუშაოს კერძო კომპანიებთან, რათა ნატოს სისტემები "უფრო რთულად დაზიანდეს, ისინი უფრო ელასტიური და უფრო სწრაფად აღდგენადი გახდეს."
