Fox News-ის ცნობით, აშშ-ის სახელმწიფო მდივანმა მარკო რუბიომ ვიზების გაცემა შეაჩერა იმ პალესტინელი ლიდერებისთვის, რომლებსაც მომავალ თვეში ნიუ-იორკში გასამართ გაეროს გენერალურ ასამბლეაზე დასწრება სურთ.
რუბიომ ამის მიზეზად ის ფაქტი დაასახელა, რომ აშშ არ ცნობს პალესტინას დამოუკიდებელ სახელმწიფოდ და პალესტინის ავტონომიას სანქციები აქვს დაწესებული ტერორიზმის დაფინანსებისთვის.
„კანონისა და შეერთებული შტატების ეროვნული უსაფრთხოების ინტერესების შესაბამისად, სახელმწიფო მდივანი მარკო რუბიო ვიზებს არ აძლევს პალესტინის განთავისუფლების ორგანიზაციის (PLO) და პალესტინის ავტონომიის (PA) წევრებს გაეროს გენერალურ ასამბლეაზე დასასწრებად“, - განაცხადა რუბიოს პრესმდივანმა ტომი პიგოტმა.
