მსოფლიოში საუკეთესო ძეხვეულის რეიტინგში კუპატი მე-19 ადგილზეა

მსოფლიოში საუკეთესო ძეხვეულის რეიტინგში პირველ ადგილზე სამხრეთაფრიკული ბურევორსი გავიდა, მეორე ადგილი ესპანურმა ჩორიზომ დაიკავა, მესამე კი იტალიურმა სალსიჩამ.

რეიტინგში მეოთხეა თურქული სუჯუკი, მეხუთე ადგილი კი ნირბერგულმა ბრატვურსმა დაიკავა.

Taste Atlas-ს მიხედვით, კუპატი მე-19 ადგილზეა.

1. Boerewors - სამხრეთ აფრიკა


„ბური“ „ფერმერს“ ნიშნავს, ხოლო „ვორს“ „ძეხვს“, როგორც Taste Atlas-ის ექსპერტები განმარტავენ. ტიპური სპირალური ფორმის „ფერმერის ძეხვი“ ხორცს მინიმუმ 90%-ს უნდა შეიცავდეს. ხორცი შეიძლება იყოს საქონლის, ცხვრის, ღორის მათი ნაზავი. სუბპროდუქტების ან გადამუშავებული ხორცის გამოყენება არ შეიძლება. ასევე მნიშვნელოვანია, რომ ცხიმის შემცველობა 30%-ს არ აღემატებოდეს. ძეხვის არომატს აძლიერებს ისეთი სანელებლები, როგორიცაა წიწაკა, შავი პილპილი და მუსკატის კაკალი. ტრადიციულად, ნამიბიურ სამზარეულოში მიღებული წესით, მას პირდაპირ გრილიდან მიირთმევენ და მიირთმევენ „პაპთან“ (სიმინდის ფქვილისგან დამზადებული ფაფა) და „სუსთან“ (სოუსი) ერთად.

2. ჩორიზო - ესპანეთი


ჩორიზო ესპანური ძეხვია, რომელიც მზადდება დაკეპილი ღორის ხორცისა და ქონისგან, რომელსაც აზავებენ პაპრიკით და ზოგჯერ ნიორით. ამ ინგრედიენტების ნარევი შემდეგ ათავსებენ ნატურალურ გარსში. ჩორიზო წითელ ფერს იღებს სპეციალური პაპრიკის, პიმენტონის, გამოყენებით, რომელიც ესპანურ ჩორიზოს სხვა მსგავსი სახეობებისგან განასხვავებს.

3. სალსიჩა - იტალია


სალსიჩა სხვადასხვა სახის ახალმომზადებული იტალიური ძეხვის ზოგადი სახელწოდებაა. ის, როგორც წესი, მზადდება დაკეპილი ან დაბეგვილი ღორის ხორცისგან, ღორის ქონითა და მრავალი სანელებლით. სალსიჩა ივსება ნატურალურ ღორის ან ცხვრის ნაწლავებში და იშვიათად იხარშება ან იწვება.

ის ახალმომზადებული იყიდება და განკუთვნილია გრილზე ან ფრიტიურში შესაწვავად. მიუხედავად იმისა, რომ არსებობს გარკვეული დავა, ითვლება, რომ სალსიჩა თავდაპირველად ბაზილიკატას რეგიონში შეიქმნა, მაგრამ ახამომზადებული ძეხვეულის გამოყენება იმდენად გავრცელებულია, რომ იტალიის თითოეულ რეგიონს აქვს სალსიჩას საკუთარი ტიპური სახეობა.

4. სუჯუკი - თურქეთი


სუჯუკი (სუჩუკი) ნახევრად მშრალი, ცხარე, მაღალცხიმიანი ძეხვია, რომელიც პოპულარულია ახლო აღმოსავლეთის, ბალკანეთის და ცენტრალური აზიის სამზარეულოებში. ის ტრადიციულად მზადდება საქონლის ხორცის ფარშისგან ისეთი სანელებლებით, როგორიცაა ძირა, მარილი, პაპრიკა და ნიორი. ძეხვი მოხმარებამდე მინიმუმ სამი კვირის განმავლობაში უნდა იყოს გამომშრალი.

მისი მირთმევა შესაძლებელია ცივად, თხლად დაჭრილის სახით, მაგრამ უფრო ხშირად შემწვარ და კვერცხთან და ბოსტნეულთან ერთად მიირთმევენ. ლიბანში სუჯუკს ხშირად მიირთმევენ პომიდვრისა და ნივრის სოუსთან ერთად პიტას პურში, ხოლო სირიაში, ეგვიპტეში, ერაყსა და ისრაელში ცომეულში სუჯუკს დებენ და აცხობენ

5. ჩისტორა - ესპანეთი


ჩისტორა არის ღორის მუცლის და ლოყების დამარილებული და სწრაფად გამომშრალი ხორცისგან მომზადებული ძეხვი. ზოგჯერ მასში დაკეპილ საქონლის ხორცს ურევენ. ძეხვს ტრადიციულად ნიორით, მარილითა და პაპრიკით აზავებენ, რაც მას დამახასიათებელ წითელ ფერს აძლევს.

6. ნიურბერგული ბრატვურსი - გერმანია


7. მერგეზი - ალჟირი, ტუნისი, მაროკო


8. ალჰეირა დე მირანდელა - პორტუგალია


9. ჩორიზო ა ლა პარილია - არგენტინა


10. კიოლბასა ვეძონა - პოლონეთი


19. კუპატი


რეიტინგში 73-ე ადგილზეა ყაზახური (გავრცელებულია აგრეთვე უზბეკეთსა და ყირგიზეთში) ძეხვი ჯკაზი, რომელიც ცხენის ხორციდან მზადდება. ტრადიციულად, კაზში ნეკნების ხორცისა და ქონი შეზავებულია ნივრით, პილპილით და მარილით და მოთავსებულია ნაწლავში.


პორტალის ცნობით, მომხმარებელთა შეფასებებზე დაფუძნებული Taste Atlas-ის შეფასებები იყენებს მექანიზმებს, რომლებიც ავლენს რეალურ მომხმარებლებს და ფილტრავს ბოტების შეფასებებს, ასევე მკვეთრად ნაციონალისტურ ან პატრიოტულ შეფასებებს. მსოფლიოში ყველაზე პოპულარულ ძეხვს სულ 9662 ხმა მიეცა, რომელთაგან 7270 სისტემამ ლეგიტიმურად მიიჩნია და რეიტინგში შეიტანა.