მსოფლიო ჩემპიონატის მეორე შესარჩევი ეტაპის პირველ მატჩში ჯგუფის ლიდერმა ესპანეთმა პორტუგალიას უმასპინძლა.
პორტუგალია პირველ მეოთხედში 7 ქულით დაწინაურდა, მაგრამ მასპინძლებმა მეორე და მესამე მეოთხედებში ჩამორჩენა აღმოფხვრეს და დასკვნით მეოთხედის წინ ანგარიში 71:71 იყო.
დასკვნით ათწუთიან მონაკვეთში პორტუგალიელებმა დაწინაურება, მოგებიანი ანგარიშის შენარჩუნება და სენსაციური გამარჯვების მოპოვება შეძლეს.
აღსანიშნავია, რომ ოფიციალურ შეხვედრებში პორტუგალიამ პირველად შეძლო ესპანეთის დამარცხება.
ესპანეთი - პორტუგალია 89:95(14:21, 27:26, 30:24, 18:24)
შეგახსენებთ, რომ პირველი ტურის სხვა ორ შეხვედრაში საქართველომ მონტენეგრო დაამარცხა, უკრაინამ კი საბერძნეთი.
ორშაბათს საქართველო პორტუგალიაში ითამაშებს, ესპანეთი საბერძნეთში, მონტენეგრო კი უკრაინას მიიღებს.
მოამზადა რაულ კაპანაძემ
