გიორგი მამარდაშვილი ევროპის ყველაზე პერსპექტიულ მეკარეებს შორის დაასახელეს - ის სიაში მეორე ადგილზეა

"უახლოეს წლებში ევროპულ ფეხბურთში ამ ათი პერსპექტიული ვარსკვლავის დაწინაურებაა მოსალოდნელი“, – წერს nogomania.

„საქართელოს ნაკრების მეკარე გიორგი მამარდაშვილი 2025-26 წლების სეზონის წინ „ლივერპულში“ გადასვლას დათანხმდა. „წითლებმა“ 24 წლის ფეხბურთელი „ვალენსიიდან“ 35 მილიონ ევროდ დაიმატეს. მამარდაშვილი „ენფილდზე“ გადასვლამდე, მიმდინარე სეზონის ბოლომდე „ვალენსიაში“ რჩება. - წერს გამოცემა

ევრო 2024-ზე მისი გამორჩეული თამაში საქართველოს ნაკრებს 1/8-ფინალში გასვლაში დაეხმარა და განამტკიცა მისი, როგორც ევროპის ერთ-ერთი ყველაზე პერსპექტიული მეკარის რეპუტაცია“.

ევროპის ტოპ 10 საუკეთესო ახალგაზრდა მეკარე

1. გევინ ბაზუნუ (ირლანდია, 23 წლის, „საუთჰემპტონი“, ამჟამად იჯართ ლიეჟის „სტანდარდშია“);

2. გიორგი მამარდაშვილი (საქართველო, 24 წლის, „ვალენსია“);

3. ბარტ ვერბრუგენი (ნიდერლანდები, 22 წლის, „ბრაიტონი“);

4. მაარტენ ვანდევორდი (ბელგია, 23 წლის, „ლაიპციგი“);

5. ლუკას შევალიე (საფრანგეთი, 23 წლის, „ლილი“);

6. იონას ურბიგი (გერმანია, 21 წლის, „ბაიერნი“);

7. ჟოან გარსია (ესპანეთი, 24 წლის, „ესპანიოლი“);

8. სიონ სუზუკი (იაპონია, 22 წლის, „პარმა“);

9. გიომ რესტი (საფრანგეთი, 20 წლის, „ტულუზი“);

10. ანტონინ კინსკი (ჩეხეთი, 22 წლის, „ტოტენჰემი“).