ავჭალის რაგბის სტადიონზე ევროპის 2023 წლის ჩემპიონატის შეხვედრა დასრულდა.
ევროპის 14-გზის ჩემპიონს უმაღლეს დივიზიონში წელს დაბრუნებული გერმანიის ნაკრები სტუმრობდა.
„ბორჯღალოსნებმა" მოკვეთილი „დათვების" (რუსეთის ნაკრები) ნაცვლად ჩემპიონატზე დაშვებულ „შავ არწივებს" შავი დღე აყარეს და სახლში გაპუტული გაუშვეს
საქართველო - გერმანია 75:12(42:0)
მიმდინარე ჩემპიონატში 8 გუნდი მონაწილეობს. ისინი ორ ჯგუფად არიან გაყოფილები და ჩემპიონატისთვის ბრძოლას ჯგუფური ტურნირის დასრულების შემდეგ პირველ-მეორე ადგილებზე გასული გუნდები გააგრძელებენ. საქართველოსთან ერთად ჯგუფში ესპანეთი, ნიდერლანდები და გერმანიაა, მეორე ჯგუფში კი რუმინეთი, პორტუგალია, ბელგია და პოლონეთია.
გუშინ გამართული შეხვედრების შედეგები:
პორტუგალია - ბელგია 54:17
რუმინეთი - პოლონეთი 67:27
