ჩრდილოეთ მაკედონიის დედაქალაქ სკოპიეში დასრულდა ევროპის ჩემპიონატი 20 წლამდე ასაკის მოჭიდავეთა შორის.
ასპარეზობის ბოლო დღეს მედლები თავისუფალი სტილით მოჭიდავეებმა 61-74-86-92-125 კგ წონითი კატეგორიებში გაინაწილეს.
92 კგ წონით კატეგორიაში სანდრო ყურაშვილმა ბრინჯაოს მედლისთვის შეხვედრა 12:1 მოუგო აზერბაიჯანელ ჰუსეინ მამადტაღიზადას.
125 კგ წონით კატეგორიაში საქართველოს ნაკრებს მეორე ბრინჯაოს მედალი ალექსანდრე აბრამიშვილმა მოუტანა. მან მედლისთვის შეხვედრა რუმინელ ბრაიან სამუელ ტეკერენს 10:0 მოუგო.
ამრიგად, ქართველმა თავისუფალი სტილით მოჭიდავეებმა ევროპის ჩემპიონატზე ერთი ოქროს (97კგ კონსტანტინე პეტრიაშვილი ) და ორი ბრინჯაოს მედალი მოიპოვეს.
სულ გათამასებული ათი ოქროს მედლიდან ხუთი რუსეთის ფედერაციის მოჭიდავეებმა მოიპოვეს, ორი - აზებაიჯანელებმა, თითო-თითო კი მოლდაველმა, გერმანელმა და ქართველმა მოჭიდავეებმა.
ქულებით გუნდურ ჩათვლაში პირველი რუსეთი იყო 194 ქულით, მეორე აზერბაიჯანი 170 ქულით, მესამე კი სომხეთი 118 ქულით.
