მარტვილის მონასტერთან მისასვლელი გზის რეაბილიტაციისთვის ტენდერი გამოცხადდა

გზა მარტვილის ცენტრიდან სამონასტრო კომპლექსამდე მიდის და გადის როგორც დასახლებულ, ასევე დაუსახლებელ ტერიტორიაზე. გზა ამორტიზირებულია და საჭიროებს დაუყოვნებლივ რეაბილიტაციას. 

1.3 კმ-იანი გზის მონაკვეთის რეაბილიტაციის პროექტი, მარტვილის სამონასტრი კომპლექსამდე მომლოცველებისა და ტურისტების განახლებული და კომფორტული გზით მისვლას უზრუნველყოფს.

პროექტი სახელმწიფო ბიუჯეტიდან დაფინანსდება და მისი სავარაუდო ღირებულება 4 495 185 ლარს შეადგენს.

შესყიდვის ბმული:

შიდასახელმწიფოებრივი მნიშვნელობის მარტვილი - მარტვილის მონასტრის საავტომობილო გზის კმ0 - კმ1 მონაკვეთის სარეაბილიტაციო სამუშაოები - https://tenders.procurement.gov.ge/public/?go=663446&lang=ge -ნათქვამია გავრცელებულ ინფორმაციაში.