თბილისის მერი კახა კალაძე მიიჩნევს, რომ საქართველოს ხელისუფლებამ, ქვეყნის მოსახლეობასთან ერთად, ყველაფერი გააკეთა იმისთვის, რომ ევროკავშირის წევრობის კანდიდატის სტატუსი მიიღოს.
„ჩვენმა ქვეყანამ ყველაფერი გააკეთა იმისთვის, რომ კანდიდატის სტატუსი მოგვცენ. მიუხედავად იმისა, რომ თავიდანვე ვიმსახურებდით ამას, თუ შევადარებთ იმ ქვეყნებს, რომელსაც სტატუსი მისცეს, საქართველოსთან მიმართებით კი, იყო ის გადაწყვეტილება მიღებული, რაც იყო. ჩვენ მოგვცეს გზამკვლევი, თუ რა უნდა გაგვეკეთებინა და საქართველოს ხელისუფლებამ, ჩვენი ქვეყნის მოსახლეობასთან ერთად, ძალიან ბევრი იმუშავა, ყველაფერი გააკეთა იმისთვის, რომ ქვეყანამ მიიღოს სტატუსი.
დაველოდოთ, თუ რა გადაწყვეტილება იქნება მიღებული. ვნახოთ. იცით, რომ თავის დროზეც პოლიტიკური გადაწყვეტილება იყო მიღებული და ახლაც მათზეა დამოკიდებული, თუ რას გადაწყვეტენ. ზოგადად, მე ოპტიმისტი ვარ, ოპტიმისტურად ვუყურებ ამ თემასაც და მჯერა, რომ ამჯერად სამართლიანი გადაწყვეტილება იქნება მიღებული ჩვენ ქვეყანასთან და ხალხთან მიმართებით “, - განაცხადა კახა კალაძემ.
