"ევროპალია-საქართველოს" ფარგლებში ანტვერპენში ვერიკო ჭუმბურიძის კონცერტი გაიმართა

 ვერიკო ჭუმბურიძემ ანტვერპენის სიმფონიურ ორკესტრთან ერთად შეასრულა ალექსი მაჭავარიანის სავიოლინო კონცერტი. 

 როგორც ცნობილია, საქართველოს მთავრობის მხარდაჭერითა და „ევროპალია-საქართველოს“ ეგიდით, მიმდინარე წლის 4 ოქტომბრიდან 2024 წლის თებერვლის ჩათვლით, ბელგიასა და მის მოსაზღვრე ქვეყნებში 60-ამდე მასშტაბური და მრავალფეროვანი ღონისძიება იმართება. 
ევროპის საზოგადოებას ოთხი თვის განმავლობაში შეუძლია ნახოს ეროვნული საგანძურის ორი მასშტაბური და ისტორიული მნიშვნელობის გამოფენა - „ავანგარდი საქართველოში - 1900-1936“ (ბრიუსელის ნატიფი ხელოვნების ცენტრ „ბოზარში“) და „საქართველო - შეხვედრების ადგილი“ (ბრიუსელის ისტორიისა და ხელოვნების სამეფო მუზეუმში). აღსანიშნავია, რომ „ევროპალია-საქართველოს“ ფარგლებში გამართულ ღონისძიებებსა და ფესტივალის მრავალფეროვან პროგრამას დიდი მნიშვნელობა აქვს ევროინტეგრაციის პროცესის ხელშეწყობის თვალსაზრისით.
 საქართველოს საფესტივალო პროგრამა იხილეთ ბმულზე: https://europalia.eu/en/europalia-georgia/europalia-georgia-programme; 
ღონისძიების შესახებ ინფორმაცია იხილეთ ბმულზე: https://europalia.eu/en.