სოფელ ჭორვილაში, „ნაციონალური მოძრაობის“ აქტივისტების ჩასვლას ხმაური და დაპირისპირება მოჰყვა.
„ნაციონალური მოძრაობის“ აქცია-მსვლელობას ადგილობრივებმა გზა გადაუკეტეს სოფელ ჭორვილის გადასახვევთან, რასაც სიტყვიერი და ფიზიკური დაპირისპირება მოჰყვა.
როგორც ადგილობრივები აცხადებენ, სოფელი არ არის პოლიტიკური ცენტრი და აქციების გამართვა არამართებულია. დაპირისპირების განმუხტვას სამართალდამცველები ცდილობენ, ადგილზე ამ დრომდე ხმაურია. ჭორვილაში ჩასვლის ინიციატორი მიხეილ სააკაშვილის წარმომადგენელი სოფო ჯაფარიძეა.
სოფო ჯაფარიძე და მისი მომხრეები დღეს რესპუბლიკის მოედანზე შეიკრიბნენ და ჭორვილაში მსვლელობით ჩავიდნენ.
