ქალაქ საგარეჯოში, იმედის ქუჩაზე მდებარე მრავალბინიანი საცხოვრებელი სახლების რეაბილიტაცია აქტიურად გრძელდება.
საგარეჯოს მუნიციპალიტეტის მერმა, ავთანდილ გულიკაშვილმა აღნიშნა, რომ მოსახლეობასთან შეხვედრებზე, ერთ - ერთი დაპირება იყო აღნიშნული საცხოვრებელი სახლების რეაბილიტაცია და ეს დაპირება შესრულდა.
მუნიციპალიტეტის მასშტაბით, მრავალბინიანი საცხოვრებელი სახლების ეზოების კეთილმოწყობა გასულ წლებში განხორციელდა.
ამ ეტაპზე, იმედის ქუჩაზე 6 საცხოვრებელი კორპუსის რეაბილიტაცია მიმდინარეობს და პროექტის ჯამური ღირებულება 1 106 195 ლარს შეადგენს.
