ავტოსაგზაო შემთხვევა მოხდა ლაგოდეხი-თბილისის დამაკავშირებელ გზაზე. არსებული ინფორმაციით, ერთმანეთს ტრაილერი და მსუბუქი ავტომობილი შეეჯახა.
ავარიის შედეგად ავტომობილში მყოფი ერთი ადამიანი შემთხვევის ადგილზე გარდაიცვალა, ერთი კი დაშავდა. დაშავებული სასწრაფო-სამედიცინო დახმარების ბრიგადამ საავადმყოფოში გადაიყვანა.
შემთხვევის ადგილზე სამართალდამცველები მუშაობდნენ.
ფაქტზე დაწყებულია გამოძიება.
