ბრიუსელი ჩვენ მიერ სანქციების სისტემის დაცვას დაფინანსებული პროპაგანდით პასუხობს, რაც მათ საბჭოთა დამოკიდებულებას ამჟღავნებს, – ამის შესახებ საქართველოს პარლამენტის თავმჯდომარე, შალვა პაპუაშვილი სოციალურ ქსელში წერს.
"საინტერესოა, რომ ბრიუსელი ჩვენს მიერ სანქციების სისტემის დაცვას ამგვარი დაფინანსებული პროპაგანდით პასუხობს. ყველას შევახსენებ, რომ საქართველოს რუსეთის მიმართ ორმხრივი სანქციები დაწესებული არ აქვს და ევროკავშირის მიერ დაწესებული სანქციების გვერდის ავლის აღკვეთა არა საქართველოს ვალდებულება, არამედ ჩვენი კეთილი ნებაა. როდესაც ბრიუსელი ამ კეთილ ნებას, მის მიერ დაქირავებული ენჯეოების თავდასხმით პასუხობს, ეს, უპირველეს ყოვლისა, საქართველოს დამოუკიდებლობის მიმართ ბრიუსელის საბჭოთა დამოკიდებულებას ამჟღავნებს.ამაზე ითქმის - მადლობის მაგიერიო", - წერს შალვა პაპუაშვილი.
